მთავრობის წევრებს მინისტრთა კაბინეტში მოსალოდნელ საკადრო ცვლილებებთან დაკავშირებით ინფორმაცია არ აქვთ. საუბარია საგარეო საქმეთა და ეკონომიკისა და მდგრადი განვითარების მინისტრების შესაძლო შეცვლაზე. როგორც საქართველოს თავდაცვის მინისტრმა თინა ხიდაშელმა მთავრობის სხდომის დასრულების შემდეგ ჟურნალისტებს განუცხადა, მსგავსი ინფორმაცია მისთვის უცნობია. "ნამდვილად ევრაფერს დაგიდასტურებთ, არაფერ მსგავსზე საუბარი არ არის",-აღნიშნა თინა ხიდაშელმა. ანალოგიური განცხადებები გააკეთეს რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა, სასჯელაღსრულებისა და პრობაციის მინისტრმა კახა კახიშვილმა და შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა. შესაძლო საკადრო ცვლილებებზე ასევე ისაუბრა ოკუპირებულ ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა. სოზარ სუბარის თქმით, ზოგადად საკადრო ცვლილებები ყოველთვის ხორციელდება, თუმცა დღეს ამ თემაზე მსჯელობა არ მიმდინარეობს. "ზოგადად გეტყვით, საკადრო ცვლილებები იყო, არის და იქნება. დანარჩენი როცა რა მოხდება ნახავთ.. არანაირი საუბარი ამაზე არ მიმდინარეობს",-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს