საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ოზურგეთის, ზუგდიდისა და ფოთის მუნიციპალიტეტებს 13 ერთეული სანაპირო ზოლისდასასუფთავებელი სპეცტექნიკა გადასცა.

როგორც „ექსპრესნიუსს“ ინფრასტრუქტურის სამინისტროდან აცნობეს, ტექნიკა, რომლის ღირებულება 2 100 380.55 ლარია ფონდმა მსოფლიო ბანკის ფინანსური მხარდაჭერით შეიძინა.

მათივე ინფორმაციით,  სპეცტექნიკა ხელს შეუწყობს შავი ზღვის, კერძოდ, ურეკის, ანაკლიის,  ფოთის, შეკვეთილისა და გრიგოლეთის სანაპირო ზოლის დასუფთავება-მოწესრიგებას. საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ და საქართველოს რეგიონული განვითარებისა  ინფრასტრუქტურის მინისტრის პირველმა მოადგილემ ილია დარჩიაშვილმა,ადგილობრივი ხელისუფლების წარმომადგენლებთან  ერთად,  დაბა ურეკში აღნიშნული ტექნიკის მუშაობა შეამოწმეს. ასევე, გაესაუბრნენ სპეცტექნიკაზე დასაქმებულ პირებს,  რომლებიც ფონდის მიერ გერმანიიდან ჩამოყვანილმა სპეციალისტმა  გადაამზადა.

მუნიციპალური განვითარების ფონდმა ოზურგეთის მუნიციპალიტეტს  9 ერთეული ტექნიკა გადასცა, რომლის საერთო ღირებულება 1,342,903.91 ლარია. ფოთისა და ზუგდიდია  მუნიციპალიტეტებს კი 2-2 ერთეული ტექნიკა გადაეცა, რომელთა ღირებულება, ჯამში,757,476,64 ლარია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა