საჯარო მოხელეების რიცხვი გაზრდილია თითქმის ორჯერ იმ საანგარიშო წლებში, რომელიც ჩვენ გამოვითხოვეთ. განსაკუთრებით მნიშვნელოვანია, რომ საჯარო მოხელეების რიცხვი იზრდებოდა საარჩევნო წლებში - ამის შესახებ, „ევროპული საქართველოს“ ერთ-ერთმა ლიდერმა, ირმა ნადარეიშვილმა განაცხადა.

მან ასევე მიმართა „ქართულ ოცნებას“, რომ ისინი ამ შემთვევაში ადმინისტრაციული რესურსით ვერ გავლენ ფონს და გვექნება ვითარება, როდესაც მათ მიერ დასაქმებული საჯარო მოხელეებიც კი არ მისცემენ ხმას.

“საჯარო მოხელეების რიცხვი გაზრდილია თითქმის ორჯერ იმ საანგარიშო წლებში, რომელიც ჩვენ გამოვითხოვეთ. განსაკუთრებით მნიშვნელოვანია, რომ საჯარო მოხელეების რიცხვი იზრდებოდა საარჩევნო წლებში, რაც მიუთებს იმაზე, რომ „ქართული ოცნება“ საარჩევნო წლებში მიზანმიმართულად ზრდის საჯარო მოხელეების რიცხვს საკუთარი აქტივისტების, ოჯახის წევრების ხარჯზე, რომ შემდეგ ეს ადამიანები გამოიყენოს არჩევნებზე, როგორც ერთგული არმია, რომელიც მუდმივად „ქართულ ოცნებას“ აძლევენ ხმას. ასეთ ვითარებაში ადამიანებს, რომლებიც ნამდვილად პროფესიონალები არიან და საჭიროებენ სამსახურს, არ რჩებათ შანსი, რომ დასაქმდნენ საჯარო სექტორში და ეს სექტორი საკუთარი ოჯახის წევრებისთვის აქვს გამოყოფილი „ქართულ ოცნებას“. ალბათ კიდევ უნდა ველოდოთ საჯარო მოხელეების რიცხვის ზრდას ამ თვეებში, იმიტომ, რომ წინ კიდევ ერთი არჩევნები გვაქვს. მე მინდა გავაფრთხილო „ქართული ოცნება“ და ბიძინა ივანიშვილი, რომ ამ შემთვევაში ადმინისტრაციული რესურსით ნამდვილად ვერ გავლენ ფონს და გვექნება ვითარება, როდესაც მათ მიერ დასაქმებული საჯარო მოხელეებიც კი არ მისცემენ ხმას,“ - განაცხადა ირმა ნადირაშვილმა.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები