„ტურიზმში ჩვენ არ უნდა დავკარგოთ საქართველოს როგორც ტურისტული ბრენდის სიძლიერე“, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, ტურისტებისთვის ჩვენი ქვეყანა უნდა იყოს უსაფრთხო, ხოლო ჩვენი ტურისტული ბრენდის სიძლიერეს უნდა დავუმატოთ საქართველოს, როგორც კოვიდ free და ვირუსთან ბრძოლის ეფექტური ქვეყნის იმიჯი.

„როდესაც ჩვენ ვსაუბრობთ, რომ საქართველო უნდა იყოს ერთ-ერთი პირველი ქვეყანა, რომელიც ტურიზმს გახსნის, აქ ვსაუბრობთ არა იმაზე, რომ საზღვრები გავხსენით და ეს ხალხის ასე უკონტროლოდ შემოვიდა, არაა. ჩვენ ვსაუბრობთ კონკრეტულ სუფთა დერეფნებზე, რომლის შესახებაც ვსაუბრობთ ძაან მაღალ დონეზე, დეტალურად.

ყველა ხედავს რა ხდება მეზობლებთან, ამიტომ აქ ინტერესი სერიოზულია და სერიოზული დასაბუთება მოგვიწევს, რომ საქართველოში ჩამოსული ტურისტი  არ დადგება რისკის ქვეშ. ამიტომ იქნება მწვანე დერეფნები. მაგალითებს გეტყვით და ეს პროტოკოლები უკვე დამუშავებულია მსოფლიო ტურიზმის ორგანიზაციასთან ერთად და ორმხრივი მოლაპარაკებების შედეგად. მაგალითად საქართველოში შემოსულ ტურისტს უნდა ჰქონდეს აქტუალური 72 საათიანი პისიარ ტესტი, წინააღმდეგ შემთხვევაში ის ქვეყანაში ვერ შემოვა.

ტურიზმში ჩვენ არ უნდა დავკარგოთ საქართველოს როგორც ტურისტული ბრენდის სიძლიერე. პირიქით ჩვენ ტრადიციებს, ჩვენს სტუმართმასპინძლობას უნდა დავუმატოთ კიდევ ერთი ძლიერი ბრენდი ,საქართველო როგორც კოვიდ free და ვირუსთან ბრძოლის ეფექტური ქვეყანა“, - განაცხადა გახარიამ

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები