საქართველოს ეკონომიკისა და მდგრადი განვითარების მინისტრ ნათია თურნავასთან სამუშაო შეხვედრაზე ჩეხეთის ელჩმა პეტერ მიკისკამ მაღალი შეფასება მისცა საქართველოს მთავრობის მიერ კოვიდ-19-ის გავრცელების პრევენციისკენ მიღებულ გადაწყვეტილებებს.

„მინისტრთან სამუშაო შეხვედრაზე ვისაუბრეთ საქართველოში არსებულ ვითარებასა და ამ სფეროში მიღწეული საქართველოს მთავრობის წარმატებაზე, რომელსაც ჩვენი მაღალი შეფასება მოჰყვა. ჩემი მილოცვა ძალიან გულწრფელია, რადგან ჩვენ ყოველთვის აქ ვიყავით და ახლოდან ვაკვირდებოდით მოვლენების განვითარებას“, - ამის შესახებ ელჩმა შეხვედრის შემდეგ გაკეთებულ კომენტარში განაცხადა.

პეტერ მიკისკას განცხადებით, მინისტრთან შეხვედრაზე სამომავლო თანამშრომლობაზე ისაუბრეს.

„ჩვენი შეხვედრა ეხებოდა მომავალს და არა წარსულს. ჩვენ შეხვედრაზე ვისაუბრეთ საქართველოში ტურიზმის ხელახლა გახსნაზე, საქართველოში ჩეხი ტურისტების ჩამოსვლაზე და ასევე როგორ უნდა დაინერგოს სათანადო პირობები და უზრუნველყოფილი იყოს უსაფრთხოების ყველა ზომა საქართველოში ჩეხი ტურისტების მისაღებად. ამისათვის აუცილებელია გვქონდეს სპეციალური ჩარჩო, რომელიც უსაფრთხოებას ყველა ეტაპზე გაითვალისწინებს“, - განაცხადა ჩეხეთის ელჩმა.  

ავტორი: NS (სტატია დაფინანსებულია),

სოციალური ქსელები

გერმანია ევროკავშირში რუსებისთვის შესვლის ახალი შეზღუდვების დაწესებას ითხოვს

მიიღეთ 30%-იანი ქეშბექი მეტრომარტში საქართველოს ბანკის ნაწილ-ნაწილ გადახდისას

გიორგი პატარიძე: ღარიბაშვილთან მიმართებით დამატებითი პაემნით წახალისების შესახებ სამართლებრივი აქტი არ გამოუცია, შესაბამისად, პაემანი ვერც ჩაინიშნებოდა და ვერც გაუქმდებოდა

ლევან ხაბეიშვილი - სულაც არ გამიკვირდება, კობახიძემ სცადოს ბიძინას განეიტრალება