საქართველოს ელჩი უკრაინაში, თეიმურაზ შარაშენიძე  საგარეო საქმეთა სამინისტროში კონსულტაციებზე უკვე მივიდა.

კონსულტაციაზე შესვლის წინ, შარაშენიძემ კომენტარი გააკეთა საქართველოში გამოწვევის საკითხზე. მანვე აღნიშნა, რომ კონსულტაციაზე დღეს ორ პარტნიორ ქვეყანას შორის არსებული თანამშრომლობის ყველა საკითხს განიხილავენ.

„მიზეზი თქვენთვის კარგად არის ცნობილი, ახლადშექმინილი რეალობიდან გამომდინარე, ორ პარტნიორ ქვეყანას შორის არსებული თანამშრომლობის ყველა საკითხს განვიხილავთ. დღეს დაიწყება კონსულტაციები. როდის დამთავრდება არ ვიცი, მაგრამ ყველა საკითხს განვიხილავთ.

რაც ჩამოვედი სულ იმას გეუბნებით, რომ გვქონდა კომუნიკაცია უმაღლეს დონეზე უკრაინაში და მოგახსენეთ უკვე, რომ გადავეცით საპროტესტო ნოტა, პროტესტის ფორმად არჩეული იქნა ელჩის გამოწვევა კონსულტაციებზე. ჩამოვედი და დღეს ვიწყებთ კონსულტაციას“, - განაცხადა თეიმურაზ შარაშენიძემ.

შეგახსენებთ, რომ საქართველოს მესამე პრეზიდენტი, მიხეილ სააკაშვილი უკრაინაში რეფორმების საბჭოს ხელმძღვანელად დაინიშნა. საპასუხოდ საქართველოს საგარეო საქმეთა სამინისტრომ უკრაინაში საქართველოს ელჩი გამოიძახა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები