თბილისის საქალაქო სასამართლომ ცოტნე გამსახურდიას მკვლელობის მცდელობისა და დანაშაულის შეუტყობინებლობისთვის ბრალდებული ოთხი პირი კვლავ პატიმრობაში დატოვა.

აღნიშნული გადაწყვეტილება მოსამართლე ნატო ხუჯაძემ ცოტა ხნის წინ გამოაცხადა.

სასამართლო პროცესი დისტანციურ რეჟიმში წარიმართა.

დღევანდელ სასამართლო პროცესზე დაცვის მხარე ბრალდებულების მიმართ შეფარდებული პატიმრობის გირაოთი შეცვლას მოითხოვდა, ხოლო ბრალდება აღკვეთის ღონისძიების ძალაში დატოვებას ითხოვდა.

მოსამართლემ ბრალდების მხარის შუამდგომლობა დააკმაყოფილა. მომდევნო სასამართლო სხდომა 14 მაისისთვის გადაიდო.

შეგახსენებთ, რომ საქართველოს პირველი პრეზიდენტის შვილი, ცოტნე გამსახურდია გასული წლის 19 დეკემბერს დაჭრეს. აღნიშნულ საქმეზე დამამძიმებელ გარემოებაში ჯგუფურად ჩადენილი განზრახ მკვლელობის მცდელობის ბრალდებით სისხლისსამართლებრივ პასუხისმგებლობაში 2 პირია მიცემული, დანაშაულის შეუტყობინებლობისთვის კი 3 პირი. 5 პირიდან აღკვეთის ღონისძიების სახით პატიმრობა 4-ს აქვს შეფარდებული.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო