ლუგარის ლაბორატორიაში ნიმუშები იგზავნება, დგინდება კონტაქტები

2020-05-03 21:48:56, 21969 ნახვა

ომი უკრაინაში

გორის მუნიციპალიტეტიდან დღეს ლუგარის ლაბორატორიაში დამატებით 12 ადამიანის ნიმუში გადაიგზავნა.

საორგანიზაციო-საკოორდინაციო შტაბის წევრის, თამარ მელიქიას განცხადებით, აქედან ხუთი სამხედრო ჰოსპიტლის მედდის კონტაქტებიდან ინფიცირებულთა კონტაქტია, შვიდი კი იმ პირთა ნიმუშებია, რომლებსაც თერმოსკრინინგის შედეგად მომატებული ტემპერატურა დაუფიქსირდათ.

სოფელ თერგვისსა და ფლავში თერმოსკრინინგი 2000-ზე მეტ პირს ჩაუტარდა. თვითიზოლაციის რეკომენდაცია მიეცა 105 ადამიანს.

ამასთან, ყვარლის მუნიციპალიტეტში მოსახლეობის თერმოსკრინინგი მიმდინარეობს. ქალაქში თერმოსკრინინგის პროცესში ჩართულები არიან ყვარლის მუნიციპალიტეტის მერიის თანამშრომლები და საკრებულოს დეპუტატები, სოფლებში კი მერის წარმომადგენლები.

სოფელ მუშევანში, ბოლნისის საზოგადოებრივი ჯანდაცვის ცენტრის ხელმძღვანელი მაკა მამარდაშვილი, ეპიდემიოლოგებთან ერთად ინფიცირებული მოქალაქეების კონტაქტების მოძიების სამუშაოებს აქტიურად აწარმოებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,