გიორგი მღებრიშვილი საპატრულო პოლიციის ხელმძღვანელობას შეხვდა

2015-08-15 14:15:47, 581 ნახვა

საზოგადოება

შინაგან საქმეთა მინისტრი გიორგი მღებრიშვილი, მოადგილეებთან ერთად, საპატრულო პოლიციის რეგიონების მთავარი სამმართველოების უფროსებს შეხვდა და მათ საპატრულო პოლიციის დეპარტამენტის დირექტორი გოგა რაზმაძე და თბილისის მთავარი სამმართველოს უფროსი დავით მიქიაშვილი წარუდგინა.

შსს- ინფორმაციით, მინისტრმა სამუშაო შეხვედრისას საპატრულო პოლიციის საქმიანობის პრიორიტეტული მიმართულებები და არსებული პრობლემები განიხილა.
გიორგი მღებრიშვილმა საპატრულო პოლიციის რეგიონების სამმართველოების ხელძღვანელებს დავალებები მისცა და ყურადღება დეპარტამენტის გამართულ მუშაობასა და კანონდარღვევის წინააღმდეგ ეფექტიან ბრძოლაზე გაამახვილა.
მისი თქმით, კანონის წინაშე ყველა თანაბარია და საპატრულო პოლიციამ კომპეტენციის ფარგლებში ყველაფერი უნდა გააკეთოს იმისთვის, რათა დაცული იყოს მოქალაქეების უსაფრთხოება.

მღებრიშვილმა საპატრულო პოლიციის ხელმძღვანელობას წარმატებება უსურვა და სრული მხარდაჭერა აღუთქვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან