2020-04-23 12:55:32, 2048 ნახვა
სამართალი
მესტიის მუნიციპალიტეტის, სოფელ მულახში მომხდარ მკვლელობაში ბრალდებული პირი პოლიციას ჩაბარდა
მესტიის მუნიციპალიტეტის, სოფელ მულახში მომხდარ მკვლელობაში ბრალდებული სამართალდამცველებს ჩაბარდა.
ცნობისთვის, მკვლელობა მესტიის მუნიციპალიტეტში 20 აპრილს მოხდა. სასაზღვრო პოლიციის თანამშრომელმა ურთიერთშელაპარაკების ნიადაგზე ცეცხლსასროლი იარაღიდან ესროლა საკუთარ თანამშრომელს, რომელიც მიყენებული ჭრილობისგან ადგილზე გარდაიცვალა.
ბრალდებული შემთხვევის ადგილიდან მიიმალა.
მომხდარზე გამოძიება საქართველოს სისხლის სამართლის კოდექსის 108-ე მუხლითა და 236-ე მუხლის მეოთხე ნაწილით დაიწყო, რაც განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
ავტორი: ექსპრესნიუსი,
epn.ge (@expressnews.ge)
