რესპუბლიკურ საავადმყოფოში კორონავირუსით ინფიცირებული 10 ახალი პაციენტის მდგომარეობა საშუალო სიმძიმისაა, - ამის შესახებ რესპუბლიკური საავადმყოფოს კლინიკურმა დირექტორმა დევი ტაბიძემ განაცხადა.

მისი თქმით, პრაქტიკულად ყველა მათგანთან ფიქსირდება ორმხრივი პნევმონია.

„დღეს რესპუბლიკურ საავადმყოფოში არის 74 პაციენტი. გუშინდელი გაგზავნილი ტესტებიდან 10 მოვიდა დადებითი და დღეისათვის გვყავს კორონავირუსით ინფიცირებული 21 პაციენტი. დღეს ვაპირებთ 30 ნიმუშის გაგზავნას და, რა თქმა უნდა, დღის ბოლოს მივიღეთ პასუხს. სამწუხაროდ, მზარდი ტენდენციაა და ეს მაქსიმალურად მიუთითებს იმაზე, რომ კიდევ ერთხელ უნდა დავიცვათ წესები, რომ თავი ავარიდოთ არასასურველ შედეგებს.

ჩვენ მაქსიმალურად ვცდილობთ, რომ ყველა პაციენტს აღმოვუჩინოთ ყველანაირი დახმარება და მზად ვართ ამისთვის, ოღონდ ეს უნდა იყოს გონივრულ ჩარჩოებში და კატასტროფულ სიტუაციას არ უნდა გავცდეთ. ამიტომ უნდა მოვუწოდო ყველა მოქალაქეს, რომ ვიყოთ მობილიზებული და დავიცვათ ერთმანეთი.

ახალი ინფიცირებულების მდგომარეობა საშუალო სიმძიმისაა, ჟანგბადდამოკიდებულნი არიან, ორმხრივი პნევმონიაა ყველასთან, პრაქტიკულად“, - განაცხადა დევი ტაბიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები