საქართველოში კორონავირუსით მესამე პაციენტი გარდაიცვალა.

ამის შესახებ ინფექციური საავადმყოფოს დირექტორმა, თენგიზ ცერცვაძემ განაცხადა.

მისივე ინფორმაციით, პაციენტი ინფექციურ საავადმყოფოში მკურნალობდა და იყო 86 წლის.

„დღეს სამწუხაროდ ჩვენს ცენტრში დაფიქსირდა COVID-19-ით გარდაცვალების კიდევ ერთი, რიგით მესამე შემთხვევა ქვეყანაში და პირველი ჩვენი ინფექციური საავადმყოფოსთვის. მინდა გითხრათ, რომ ეს გარდაუვალი იყო. მე ჩემს გამოსვლებში ყოველთვის ვამბობდი, რომ მუდმივად 0-ს ვერ შევინარჩუნებთ გრაფაში. ეს იყო 86 წლის ქალბატონი, რომელიც 2 კვირაზე მეტი ხანია ჩვენთან. პრაქტიკულად ეს იყო ყველაზე მძიმე პაციენტი, რაც კი ეპიდემიის დაწყებიდან შემოსულა კლინიკაში. მას ჰქონდა მძიმე თანმხლები ნევროლოგიური დაავადება. ჰქონდა მძიმე ორმხრივი პნევმონია, პრაქტიკულად, დარჩენილი არ იყო ჯანმრთელი ფილტვის ქსოვილი, ჰქონდა მძიმე სეფსისი და კიდევ სხვა მძიმე გართულებები. ორი კვირის განმავლობაში ეს პაციენტი იმყოფებოდა რეანიმაციაში. ექიმებმა ვფიქრობ, უფრო მეტიც გააკეთეს, რაც ადამიანს შეუძლია, მაგრამ სიტუაცია იყო ისეთი, რომ შეუთავსებელი იყო მის სიცოცხლესთან და მისი გადარჩენა ვერ მოხერხდა“, - განაცხადა თენგიზ ცერცვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება