საქართველოს ფინანსთა მინისტრს ნოდარ ხადურს, იმედი აქვს, რომ ლარის კურსი დასტაბილურდება.
როგორც ხადურმა ჟურნალისტებს განუცხადა,  მთავრობა ეროვნულ ბანკთან ერთად მუშაობს იმისათვის, რომ  ლარის კურსი დასტაბილურდეს.
"იმედი მაქვს, ლარი დასტაბილურდება. დღეს ეკონომიკის მინისტრმაც ისაუბრა. დოლარი გამყარდა  და გამყარდა მსოფლიოში ყველა ვალუტის მიმართ. ევროს გაცვლითი კურსი ისტორიულ მინიმუმზეა დასული, 1.1-ია.  რაც შეეხება ლარს,  ის გამყარებულია ძალიან ბევრ ვალუტასთან მიმართებაში. ჩვენ და ეროვნული ბანკი ძალიან აქტიურად ვთანამშრომლობთ. ვმუშაობთ, ინფორმაციის გაცვლა გვაქვს.მუშაობს ეკონომიკური გუნდი იმისათვის, რათა ეს რყევები დასრულდეს და ლარი დასტაბილურდეს",-განაცხადა ნოდარ ხადურმა.
ცნობისთვის, ლარის კურსი დოლართან მიმართებაში კიდევ დაეცა. ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარის შეძენა 1.9962 ლარად არის შესაძლებელი. დღეს კი, 1 დოლარი  1.9935 ლარს შეადგენდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი