საქართველოს პრეზიდენტი უზენაესი სასამართლოს თავმჯდომარის კანდიდატურის შერჩევის კრიტერიუმებთან დაკავშირებით კონსულტაციებს განაგრძობს. ამ მიზნით გიორგი მარგველაშვილი დღეს საპარლამენტო უმრავლესობის ლიდერ დავით საგანელიძეს უკვე  მეორედ შეხვდა.

საგანელიძე პრეზიდენტთან კონსულტაციებს მმართველი გუნდის სახელით მართავს. როგორც  მან ჟურნალისტებს განუცხადა, შეხვედრისას კონკრეტული კანდიდატების შესახებ საუბარი არ ყოფილა.

საგანელიძის განმარტებით, საუბარი შეეხო მხოლოდ იმ კრიტერიუმებს, რასაც სასურველია,  უზენაესი სასამართლოს მომავალი თავმჯდომარე  აკმაყოფილებდეს.

"ვისაუბრეთ დაახლოებით, იმ კრიტერიუმებზე, რაც არის სასურველი, თუნდაც სავალდებულო, თუნდაც ზნეობრივად, მორალურად სწორი, გამართლებული, საზოგადოებისთვის მისაღები,  კრიტერიუმები, რომელსაც უნდა აკმაყოფილებდეს უზენაესი სასამართლოს თავმჯდომარე. ყველას გვინდა რომ იყოს იდეალურთან ძალიან მიახლოებული კანდიდატი. სხვათაშორის როგორც ბატონმა პრეზიდენტმა ბრძანა, ის კოსნულტაციები, რომელსაც ის მართავს სხვა წრეებთან, დაახლოებით, ანალოგიურ კრიტერიუმებზე თანხმდება",-განაცხადა დავით საგანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს